Թրամփը մտադիր է առաջին փուլում ԱՄՆ-ից վտարել 1 միլիոն ներգաղթյալների․ #Bloomberg

ԱՄՆ նորընտիր նախագահ Դոնալդ Թրամփը մտադիր է իր նախընտրական խոստման իրականացման առաջին փուլում վտարել մոտ 1 միլիոն անօրինական ներգաղթյալների։ Այս մասին հայտնել է Bloomberg-ը՝ հղում անելով Թրամփի խորհրդականներին։
Նրանց խոսքով՝ Թրամփը մտադիր է արտաքսել փաստաթղթեր չունեցող ներգաղթյալներին, ովքեր հանցագործություններ են կատարել կամ ապաստան ստանալու մերժումից հետո նրանց արտաքսելու վերջնական որոշում կա։
Նշվում է, որ նորընտիր նախագահի անցումային թիմն արդեն խնդրել է Մեքսիկայի և Սալվադորի կառավարություններին ընդունել արտաքսված ներգաղթյալներին։
Հոդվածի հեղինակները նշում են, որ Թրամփի թիմն այս հարցում կարող է խնդրի առաջ կանգնել՝ կապված այն բանի հետ, որ ԱՄՆ-ն վատ հարաբերություններ ունի տարածաշրջանի որոշ երկրների հետ, որտեղից գալիս են ներգաղթյալները։ Նախկինում ԱՄՆ նորընտիր նախագահ Դոնալդ Թրամփը բազմիցս նշել էր, որ պաշտոնը ստանձնելուց հետո կիրականացնի երկրի պատմության մեջ ապօրինի ներգաղթյալներրի արտաքսման ամենամասշտաբային գործողությունը։