«Ուկրաինայի ԶՈՒ մարտիկներն սկսել են ակտիվորեն գերի հանձնվել Կուրսկում». Ալաուդինով

«Ախմատ» հատուկ նշանակության ջոկատի հրամանատար, գեներալ-մայոր Ապտի Ալաուդինովը հայտնել է, որ Կուրսկի շրջան ուղարկված ուկրաինացի զինվորականներն սկսել են ակտիվորեն հանձնվել ռուս զինվորներին, գրում է mk.ru-ն։

Ալաուդինովի խոսքով՝ այժմ «Ախմատ»-ի հատուկ նշանակության ուժերը և հարակից ստորաբաժանումները համակարգված կերպով ոչնչացնում են հակառակորդին բոլոր այն հատվածներում, որտեղ ներխուժման փորձեր են արվում։

Հիշեցնենք, որ ավելի վաղ Ալաուդինովը լրագրողներին տված հարցազրույցում ասել էր, որ Կուրսկի մարզում Ուկրաինայի զինված ուժերի պաշարները սկսել են սպառվել, գրում է աղբյուրը։