Այսօր Եվրո-2024-ի եզրափակիչն է

Այսօր՝ հուլիսի 14-ին, Բեռլինի «Օլիմպիաստադիոն» մարզադաշտում կկայանա 2024 թվականի Եվրոպայի առաջնության եզրափակիչ հանդիպումը Իսպանիայի և Անգլիայի ազգային հավաքականների միջև։
Խաղը կմեկնարկի Երևանի ժամանակով ժամը 23:00-ին: Հանդիպումը կսպասարկի մրցավարական թիմը՝ ֆրանսիացի Ֆրանսուա Լետեքսիեի գլխավորությամբ։
Հիշեցնենք, որ Եվրոպայի առաջնության գործող հաղթողը Իտալիայի հավաքականն է, որը Լոնդոնի «Ուեմբլի» մարզադաշտում Եվրո-2020-ի եզրափակչում հետխաղյա 11-մետրանոց հարվածաշարով հաղթել է Անգլիային: