Երևանում ձևավորվել է Արցախի թեմի գրասենյակը
 Հունիսի 19-ին հայրենակիցների հետ հանդիպման ժամանակ Հայ առաքելական եկեղեցու Արցախի թեմի առաջնորդ Վրթանես եպիսկոպոս Աբրահամյանը հայտնել է, որ Երևանում ձևավորվել է Արցախի թեմի գրասենյակը։ Հայտնի է, որ Հայ առաքելական եկեղեցու Գերագույն հոգևոր խորհրդի որոշմամբ Արցախի թեմը շարունակում է գործել նոր պայմաններում։ Թեմի նորաստեղծ գրասենյակը թույլ կտա ամենուր բարձրաձայնել արցախահայության իրավունքներին վերաբերող հարցերը։ Ինչպես հայտնում է «Դիալոգ» պորտալը, գրասենյակը ձևավորվել է թեմի բարեկամների աջակցությամբ և կոչված է որակական նոր մակարդակով մշակելու և ներկայացնելու արցախահայերի ամենահրատապ խնդիրները։ Դրանք կարող են քննարկման առարկա հանդիսանալ նաև միջազգային հանրության ներկայացուցիչների հետ հարաբերություններում։ Այդ շարքում, մասնավորաբար, կարող են լինել Արցախի պատմական և մշակութային ժառանգության պահպանման հարցերը, Արցախից բռնի տեղահանվածների ընկերային-տնտեսական խնդիրների լուծումը և հայրենիք նրանց վերադարձի հնարավոր ուղիները։ Գրասենյակի ղեկավարն է Արցախի պատմա-երկրաբանական պետական թանգարանի նախկին տնօրեն Մելանյա Բալայանը։ Արցախի մշակույթի, երիտասարդության և տուրիզմի նախկին նախարար Լեռնիկ Հովհաննիսյանը կոչված է համակարգելու պատմական և մշակութային ժառանգության պահպանմանը վերաբերող ծրագրերը, իսկ միջազգային համագործակցության ծրագրերի համակարգումը վստահված է Արցախի նախկին արտաքին գործերի նախարար Կարեն Միրզոյանին։ Հուլիսի 1-ից գրասենյակի աշխատակազմը կտեղավորվի մնայուն հասցեում, իսկ գրասենյակի դռներն էլ բաց են լինելու հայրենակիցների առջև։ |
«Նժդեհի շիրիմի առջև ուխտ կնքեցինք». «Սրբազան պայքար» (տեսանյութ)
88Երեկ, 22:48
Մահացել է Եղիշե Չարենցի կրտսեր դուստրը
127Երեկ, 16:06
Մեկնարկել են Լոռի Բերդ ամրոցի եկեղեցու վերականգնման շինարարական աշխատանքները
140Երեկ, 01:06
Բացվել են 12-13-րդ դդ. շերտեր, ի հայտ են եկել հետաքրքիր գտածոներ
21727.06.2024, 22:06
«Ոսկե ծիրան»-ը հրաժարվել է կարմիր գորգի գաղափարից
10527.06.2024, 11:00
Հայաստանը չի մասնակցի Բելառուսում կայանալիք «Սլավյանսկի բազար 2024» միջազգային մրցույթին
11326.06.2024, 15:18