«Այսօրվա նիստում ներառված է ԼՂ-ին 4 մլրդ դրամի լրացուցիչ աջակցություն ցուցաբերելու հարցը». Ն. Փաշինյան

Կառավարության նիստում անդրադառնալով Արցախում ստեղծված հումանիտար ճգնաժամին՝ ՀՀ վարչապետն ասաց, որ փոխվարչապետ Տիգրան Խաչատրյանի գլխավորությամբ, աշխատանքային խումբ ձևավորելու որոշում է կայացրել. «Խնդիրը՝ ԼՂ իշխանությունների հետ հումանիտար հարցերի մշտադիտարկում իրականացնելն ու հրատապ աջակցություն ցուցաբերելն է լինելու՝ այդ թվում միջազգային կազմակերպությունների օգնությամբ»,- նշեց Փաշինյանը: Վերջինը տեղեկացրեց, որ այսօրվա նիստի չզեկուցվող հարցերի փաթեթում ներառված է ԼՂ-ին 4 մլրդ դրամի լրացուցիչ աջակցություն ցուցաբերելու հարցը: