Բռնցքամարտի ԵԱ. Բազեյանն ու Բաչկովը նույնպես եզրափակչի ուղեգիր նվաճեցին

Երևանում ընթացող բռնցքամարտի Եվրոպայի տղամարդկանց առաջնության կիսաեզրափակիչ փուլում գերազանց հանդես եկան նաև մեր մյուս 2 մարզիկները:

57 կգ քաշային Արթուր Բազեյանը լարված պայքարում հաղթեց Բուլղարիան ներկայացնող կուբացի բռնցքամարտիկ Խավիեր Իբանիես Դիասին՝ 3:2: 63,5 կգ քաշային Հովհաննես Բաչկովը բացահայտ առավելությամբ հաղթեց հունգարացի Ռիչարդ Կովաչին:

Այդպիսով, Հայաստանի 3 մարզիկներ արդեն մտել են եզրափակիչ և կպայքարեն չեմպիոնի կոչման համար: Այսօր իր մենամարտը պետք է անցկացնի նաև 92 կգ քաշային Նարեկ Մանասյանը: