Բիլ Գեյթսը կարծում է, որ «օմիկրոնը» համավարակի վերջին սուր փուլը կլինի

Microsoft-ի հիմնադիր Բիլ Գեյթսը կարծում է, որ «օմիկրոն» շտամը համավարակի վերջին սուր փուլը կլինի և կհանգեցնի դրա ավարտին, այս մասին նա հայտնել է գերմանական Suddeutsche Zeitung-ի հետ զրույցում: Նա նաև մտավախություն է հայտնել, որ շուտով բոլորը կմոռանան այս համավարակի մասին և կանցնեն այլ ճգնաժամերին։ «Ուղերձն այժմ հետևյալ կերպ պետք է հնչի՝ բոլորս պետք է խելամտորեն պատրաստվենք մյուս համավարակներին»,- ասել է Գեյթսը՝ հավելելով, որ համավարակին պատրաստվելու մեջ ներդրումները փոքր են՝ համեմատած դրանից ստացվող վնասի հետ: