Ստեփանակերտի արձագանքը՝ Քաշաթաղում թուրք-ադրբեջանական զորավարժություններին

Պաշտոնական Ստեփանակերտն ուշադիր հետևում է օկուպացված տարածքներում Ադրբեջանի և Թուրքիայի գործողություններին: Այս մասին «Սպուտնիկ Արմենիա»-ին հայտնել է ԱՀ նախագահի խոսնակ Լուսինե Ավանեսյանը:

«Մենք սա դիտարկում ենք որպես նոր մարտահրավեր, և այդ նոր իրողությունները հաշվի ենք առնում մեր քաղաքականությունը կառուցելիս»,- ասել է նա։

Ավելի վաղ հաղորդվել էր, որ Ադրբեջանն ու Թուրքիան զորավարժություններ կանցկացնեն Ադրբեջանի ԶՈւ կողմից ժամանակավորապես օկուպացված Քաշաթաղի (Լաչինի) միջանցքի հարակից տարածքներում։