«Պուտին-Փաշինյան հանդիպումը կկայանա օրվա երկրորդ կեսին». Պեսկով

ՌԴ նախագահի մամուլի քարտուղար Դմիտրի Պեսկովը կարևորել է ՀՀ վարչապետի պաշտոնակատար Նիկոլ Փաշինյանի այցը Ռուսաստան՝ նշելով, որ Ռուսաստանի նախագահ Վլադիմիր Պուտինի հետ հանդիպումը տեղի կունենա օրվա երկրորդ կեսին:
«Օրվա երկրորդ կեսին նախատեսված է հանդիպում ՀՀ վարչապետի պաշտոնակատար Նիկոլ Փաշինյանի հետ, ով աշխատանքային այցով Մոսկվայում է։ Կլինի շփում Փաշինյանի հետ, այնուհետև այն կշարունակվի աշխատանքային ճաշի շուրջ»,- ասել է Պեսկովը։
«Սա կարևոր է, և, ըստ էության, առաջին արտասահմանյան այցը, որը Փաշինյանը կատարում է խորհրդարանական ընտրություններում հաղթելուց հետո․ բավականին վստահ, համոզիչ հաղթանակ»,- հավելել է նա: