Երևան`   +10 °C
Այսօր`   Երկուշաբթի, 16 նոյեմբերի, 2026 թ.

Ճապոնիայում՝ թռչնագրիպի բռնկման պատճառով 83 000 հավ է ոչնչացվել

1089
Երկուշաբթի, 15 մարտի, 2021 թ., 15:30
Ճապոնիայում՝ թռչնագրիպի բռնկման պատճառով 83 000 հավ է ոչնչացվել

Ճապոնիայի կենտրոնական մասում՝ Տոտիգի պրեֆեկտուրայի իշխանությունները մոտ 83 000 հավ են ոչնչացրել: Այս մասին հայտնել է Kyodo գործակալությունը։

Վարակման օջախը հայտնաբերվել է անցած հանգստյան օրերին՝ Հագա քաղաքում գտնվող ֆերմաներից մեկում։
Հունվարի վերջին Ճապոնիայի կառավարության գլխավոր քարտուղար Կացունոբու Կատոն հայտարարել էր, որ 2020 թվականի նոյեմբերից թռչնագրիպի բռնկում է հայտնաբերվել Ճապոնիայի 15 պրեֆեկտուրայի 36 թռչնաֆերմայի տարածքում, այդ ցուցանիշը երկրի պատմության մեջ ամենամեծն է դարձել: Այդ պատճառով տեղական իշխանություններն արդեն ավելի քան 6,5 միլիոն հավ են ոչնչացրել։