Երևան`   +23 °C
Այսօր`   Ուրբաթ, 18 սեպտեմբերի, 2020 թ.

Բելառուսում արգելափակվել են մի շարք լրատվական գործակալությունների կայքեր

529
Երկուշաբթի, 10 օգոստոսի, 2020 թ., 12:00
Բելառուսում արգելափակվել են մի շարք լրատվական գործակալությունների կայքեր

Բելառուսում նախագահական ընտրությունների արդյունքների հրապարակումից հետո արգելափակվել են լրատվական գործակալությունների կայքերը, ինչպես նաև ԿԸՀ կայքը: Այս մասին հայտնում է Европейская правда-ն:

Չի գործում Բելառուսի ամենաայցելվող պորտալը՝ TUT.by-ն, որի լրագրողները հայտնում են կայքի վրա DDoS գրոհի մասին: Արգելափակված են նաև БелТА պետական լրատվական գործակալության և БелаПАН ոչ պետական լրատվական գործակալության կայքերը: Անկախ հրապարակումներով հանդես եկող Белорусский партизан-ի կայքը նույնպես չի գործում:

Միևնույն ժամանակ, ԿԸՀ-ի կայքից հասանելի է միայն հիմնական էջը, մինչդեռ 2020-ի նախագահական ընտրություններին վերաբերող առանձին էջն անհասանելի է: Գիշերը Մինսկի կենտրոնում բախումների ընթացքում վիրավորվել են ռուսական ԶԼՄ-ների աշխատակիցները, այդ թվում՝ «Մեդուզա»-ի լրագրող և ՌԲԿ նախկին թղթակից Մաքսիմ Սոլոպովը։ Ձերբակալվել է «Daily Storm»-ի թղթակիցներ Անտոն Ստարկովը և Դմիտրի Լասենկոն, իսկ նաև «WarGonzo» նախագծի հիմնադիր Սեմյոն Պեգովը։ «МБХ медиа»-ն հայտնում է, որ լուսային նռնակից վնասվածք է ստացել լրագրող Ալեքսանդր Սկրիլնիկովը։