Երևան`   +19 °C
Այսօր`   Ուրբաթ, 14 օգոստոսի, 2020 թ.

ՍԴ դատավորի թեկնածու է ընտրվել Երվանդ Խունդկարյանը

762
Շաբաթ, 01 օգոստոսի, 2020 թ., 08:45
ՍԴ դատավորի թեկնածու է ընտրվել Երվանդ Խունդկարյանը

Երեկ մինչև ուշ երեկո շարունակված Դատավորների ընդհանուր ժողովում ՍԴ դատավորի թեկնածու է ընտրվել Երվանդ Խունդկարյանը:

Դատավորների ընդհանուր ժողովը անցկացվում է դռնփակ: Նիստին 236 դատավորից մասնակցում էին 180-ը։

ՍԴ դատավորի թափուր տեղի համար իրենց թեկնածությունն էին առաջադրել Վճռաբեկ դատարանի նախագահ Երվանդ Խունդկարյանը և Տավուշի մարզի առաջին ատյանի ընդհանուր իրավասության դատարանի նախագահ Արման Կուրեխյանը, որն ավելի քիչ ձայներ է հավաքել։
Խունդկարյանի թեկնածությունն առաջիկայում կներկայացվի ՀՀ ԱԺ-ի հաստատմանը։

Հիշեցնենք՝ այս պահին ՍԴ–ում դատավորի երեք թափուր պաշտոն կա։ Կառավարությունն արդեն առաջադրել է իր թեկնածուին՝ իրավաբանական գիտությունների դոկտոր, պրոֆեսոր Վահրամ Ավետիսյանին։