Երևան`   +12 °C
Այսօր`   Երեքշաբթի, 11 օգոստոսի, 2020 թ.

Բրազիլիայի առաջին տիկինը վարակվել է կորոնավիրուսով

764
Հինգշաբթի, 30 հուլիսի, 2020 թ., 22:25
Բրազիլիայի առաջին տիկինը վարակվել է կորոնավիրուսով

Բրազիլիայի նախագահ Ժաիր Բոլսոնարոյի կինը՝ Միշել Բոլսոնարոն, վարակվել է կորոնավիրուսով: Այս մասին հայտնում են երկրի նախագահի մամուլի ծառայությունից:

«Հուլիսի 30-ին Միշել Բոլսոնարոն հանձնել է կորոնավիրուսային թեստ, որը դրական է եղել»,- ասվում է հայտարարության մեջ:

Նրա վիճակը գնահատվում է լավ. «Առաջին տիկինը կլինի նախագահի աշխատակազմի բժշկական անձնակազմի հսկողության տակ»,- ասված է մամուլի ծառայության հաղորդագրության մեջ:

Վերջերս Բրազիլիայի նախագահը նույնպես վարակվել էր կորոնավիրուսով: Հուլիսի 7-ին նա հայտարարել էր, որ թեստի պատասխանը դրական է եղել: