Բաքվում գիշերն անցկացված ակցիայի ժամանակ 7 ոստիկան է տուժել, 16 մեքենա վնասվել

Բաքվում խորհրդարանի շենքի մոտ տեղի ունեցած ակցիայի կապակցությամբ հարուցվել են քրեական գործեր՝ Ադրբեջանի քրեական օրենսգրքի 220 (զանգվածային անկարգություններ) և 315 (դիմադրություն կամ ուժի կիրառում իշխանության ներկայացուցչի նկատմամբ) հոդվածներով, հայտնում են ադրբեջանական ԶԼՄ-ները՝ հղում անելով երկրի ՆԳՆ-ին: Համաձայն հաղորդագրության՝ ակցիայի ժամանակ «մի խումբ սադրիչներ կոպտորեն խախտել են հասարակական կարգը, ուժ են գործադրել և դիմադրել ոստիկանության ծառայողներին»:

Ցուցարարները քարեր են նետել ոստիկանների ուղղությամբ, որի հետևանքով տուժել է 7 ոստիկան՝ ստանալով տարբեր աստիճանի մարմնական վնասվածքներ, ինչպես նաև վնասվել է ծառայողական16 ավտոմեքենա: