Երևան`   +12 °C
Այսօր`   Հինգշաբթի, 28 մարտի, 2024 թ.

Սերբիայի նախագահը հայտարարել է, որ պատրաստ է վերանայել պարետային ժամ սահմանելու որոշումը

843
Հինգշաբթի, 09 հուլիսի, 2020 թ., 11:45
Սերբիայի նախագահը հայտարարել է, որ պատրաստ է վերանայել պարետային ժամ սահմանելու որոշումը

Բելգրադում փողոցային անկարգությունների ֆոնին, Սերբիայի նախագահ Ալեքսանդր Վուչիչը հայտարարել է, որ պատրաստ է վերանայել պարետային ժամ սահմանելու որոշումը: Միևնույն ժամանակ, Վուչիչն ասել է, որ մայրաքաղաքում խստացվելու են համաճարակի դեմ պայքարին ուղղված սահմանափակումները: «Կառավարության ճգնաժամային շտաբը կարծում է, որ պարետային ժամի սահմանումից պետք է հրաժարվել»,- ասել է Վուչիչը: Վերջնական որոշումը կկայացվի այսօր։

Նախօրեին Սերբիայի մայրաքաղաքում ոստիկանությունն արցունքաբեր գազ էր կիրառել ցուցարարների նկատմամբ: Մի քանի հազար ցուցարարներ դուրս էին եկել Բելգրադի փողոցներ՝ իրենց դժգոհությունն արտահայտելու քաղաքում պարետային ժամ սահմանելու վերաբերյալ։ Ցուցարարները նաև փորձել էին ներխուժել խորհրդարանի շենք։ Մարտի սկզբից ի վեր Սերբիայում գրանցվել է կորոնավիրուսի ավելի քան 17 հազար դեպք, որից մահվան ելքով՝ 341-ը՝ ըստ Worldometers կայքի տվյալների։

Սերբիայի նախագահը հայտարարել է, որ պատրաստ է վերանայել պարետային ժամ սահմանելու որոշումը