Ռուսաստանում մեկ օրում կորոնավիրուսից ռեկորդային թվով մարդ է մահացել

Անցած մեկ օրվա ընթացքում Ռուսաստանում կորոնավիրուսից մահացել է 153 մարդ: Սա առավելագույն ցուցանիշն է վարակի տարածումից ի վեր: Նախորդ հակառեկորդը գրանցվել էր մայիսի 22-ին՝ 150 մարդ: Մայիսի 24-ի դրությամբ ՌԴ-ում կորոնավիրուսից մահացել է 3541 մարդ: Նախորդ մեկ օրում կորոնավիրուս է հաստատվել 8599 մարդու մոտ՝ ՌԴ 84 մարզերում: Վարակվածների 43,9%-ի մոտ կլինիկական դրսևորումներ չեն արձանագրվել: Մինչ օրս այս երկրում վարակը հաստատվել է 344481 մարդու մոտ: