«Արսեն Թորոսյանը պետք է ներողություն խնդրի». Թենգիզ Ցերտցվաձե
«ՀՀ առողջապահության նախարար Արսեն Թորոսյանի հայտարարությունները՝ կապված կորոնավիրուսի տարածումը վերահսկելու հարցում ՀՀ-ի առավելությունների հետ զավեշտալի և անհիմն են»,- պատասխանելով ՀՀ առողջապահության նախարարի հայտարարությանը՝ ասել է Վրաստանի «Ինֆեկցիոն պաթոլոգիաների, ՁԻԱՀ-ի և կլինիկական իմունոլոգիայի կենտրոնի» գլխավոր տնօրեն, պրոֆեսոր Թենգիզ Ցերտցվաձեն։ Այս մասին հայտնում է Sputnik Georgia-ն: Հիշեցնենք, որ երեկ՝ մայիսի 22-ին, Ա. Թորոսյանը համեմատել էր Հայաստանի և Վրաստանի առողջապահական համակարգերը: Նա շեշտել էր, որ Վրաստանում իրականում համաճարակային իրավիճակը շատ ավելի վատ է, քան Հայաստանում։ «Պարո՛ն նախարար, Ձեր հայտարարությունը, թե Հայաստանում հակահամաճարակային համակարգն ավելի զարգացած է, ժպիտ է առաջացնում, եթե ոչ ծիծաղ», - ասել է Ցերցվաձեն: Նա շեշտել է, որ հակահամաճարակային միջոցառումները, որոնք իրականացվում են Վրաստանում, կասկածի տակ չեն դրվում միջազգային կազմակերպությունների կողմից: Տ. Ցերցվաձեն ասել է նաև՝ իրենք ակնկալում են, որ պարոն նախարարը կա՛մ կհիմնավորի իր մեղմ ասած «ոչ ճիշտ» գնահատականները, կա՛մ գոնե ներողություն կխնդրի։ Ինչ վերաբերում է պարոն Թորոսյանի մյուս հարցերին, նա շեշտել է, որ Վրաստանում գործում է տարածաշրջանի միակ եզակի և որակյալ «Լուգար» կենտրոնը, որտեղ բոլոր լաբորատոր փորձարկումներն իրականացվում են ամենաբարձր որակի թեստային համակարգերի միջոցով, ինչը բացառում է ցանկացած սխալ. «Մենք չենք կարծում, որ Հայաստանում կա ավելի լավ լաբորատորիա, քան՝ սա»,- ասել է նա։ Թբիլիսիի ինֆեկցիոն հիվանդանոցի բուժման վարչության ղեկավար Մարինա Էզգուբայան էլ, ի պատասխան Ա. Թորոսյանի հայտարարության, ասել է, որ իրենք չեն թաքցնում որևէ տեղեկություն՝ կապված նոր տեսակի կորոնավիրուսի հետ։ «Մեր բոլոր տվյալները ճշգրիտ են, մենք չենք թաքցրել և ոչ մի դեպք։ Երկրում հաստատվել է կորոնավիրուսի 728 դեպք»,- ասել է նա։ |
Հիվանդանոցներում պետպատվերով բուժումները կասեցվել են. «Ժողովուրդ»
12919.04.2024, 08:30«Հնարավոր չէ պարզել՝ այդ մարդու կիստա՞ն է, թե՞ քսերոքս արած «տիպային» կիստա»․ Փաշինյան (տեսանյութ)
28218.04.2024, 12:24Հերթն Անահիտ Ավանեսյանինն է. «Ժողովուրդ»
32118.04.2024, 09:06Մանրամասներ՝ երրորդ հարկից ընկած երեխայի առողջական վիճակից
50617.04.2024, 21:48Առողջապահության նախարարության շուրջ սկսված գործողությունների ֆոնին՝ Թորոսյանը նախարարի պաշտոնի համար ընկերոջ PR-ով է սկսել զբաղվել. «Ժողովուրդ»
59317.04.2024, 09:06«Լրատվականներից եմ տեղեկացել խուզարկության մասին»․ Անահիտ Ավանեսյան (տեսանյութ)
83516.04.2024, 16:06