Քննարկման մասնակցության հրավեր՝ հանրակրթության պետական չափորոշչի և առարկայական ծրագրերի վերանայման նպատակով

ՀՀ կրթության, գիտության, մշակույթի և սպորտի նախարարությունը կազմակերպում է ոլորտային քննարկումներ՝ հանրակրթության պետական չափորոշչի և առարկայական ծրագրերի վերանայման նպատակով:

Քննարկման նպատակը չափորոշչի վերանայման գործընթացը մասնակցային դարձնելն ու մասնագիտական շահագրգիռ կողմերի դիտարկումները ներկայացնելու արդյունավետ հարթակի ստեղծումն է: Քննարկումներին մասնակցելու համար անհրաժեշտ է մինչև հոկտեմբերի 1-ը ներառյալ առցանց գրանցվել հետևյալ հղումով՝ https://forms.gle/4P4PFHpzbxGVZ6zs6 :

Քննարկման թեմաներն են՝

Էկոլոգիական կրթություն- հոկտեմբերի 7-ին, ժամը՝ 10:00 – 12:00,
Առողջ ապրելակերպ- հոկտեմբերի 7-ին, ժամը՝ 14:00 – 16:00,
Ֆիզիկական դաստիարակություն- հոկտեմբերի 8-ին, ժամը՝ 10:00 – 12:00,
Հայոց պատմություն և կրոնների պատմություն- հոկտեմբերի 8-ին, ժամը՝ 14:00 – 16:00,
Մեդիագրագիտություն- հոկտեմբերի 10-ին, ժամը՝ 10:00 – 12:00,
Մարդու իրավունքներ - հոկտեմբերի 10-ին, ժամը՝14:00- 16:00,
Արվեստի կրթություն - հոկտեմբերի 11-ին, ժամը՝10:00 – 12:00,
Կրթության ներառականություն - հոկտեմբերի 11-ին, ժամը՝ 14:00 – 16:00:

Ընտրված մասնակիցներն էլեկտրոնային փոստով կստանան հրավերի հաստատում, որտեղ նշված կլինեն քննարկման վայրն ու այլ մանրամասներ: