Արթուր Ալեքսանյանը՝ աշխարհի առաջնության արծաթե մեդալակիր

Ղազախստանի մայրաքաղաք Նուր-Սուլթանի «Բարիս արենա» մարզադահլիճում ընթանում է ըմբշամարտի աշխարհի առաջնությունը։

97 կգ քաշային կարգի եզրափակչում Հայաստանը ներկայացնող Արթուր Ալեքսանյանն այսօր պետք է գոտեմարտեր Ռուսաստանի ներկայացուցիչ Մուսա Եվլոևի հետ: Նա, սակայն, չի անցկացրել գոտեմարտը՝ վնասվածքի պատճառով։ Արթուրը գորգ է դուրս եկել, ինչից հետո հրաժարվել է պայքարից։

Հիշեցնենք՝ Արթուրը պայքարն սկսեց 1/32 եզրափակչից՝ 5։0 հաշվով հաղթելով Բելառուսի ներկայացուցիչ Ալեքսանդր Գրաբովիկին։ 1/16 եզրափակչում նա 10։0 հաշվով հաղթեց Ֆինլանդիայի ներկայացուցչին։ 1/8 եզրափակչում 4:2 հաշվով հաղթեց թուրք Իլդեմին։1/4 եզրափակչում նա 4։3 հաշվով հաղթեց իրանցի մրցակցին։ Կիսաեզրափակչում Արթուրը 3։1 հաշվով հաղթեց վրացի մրցակից Գիորգի Մելիային։