Երևան`   +16 °C
Այսօր`   Հինգշաբթի, 19 սեպտեմբերի, 2019 թ.

Տեղի կունենա «Արվեստում» մանկական մատենաշարի շնորհանդեսը

109
Հինգշաբթի, 12 սեպտեմբերի, 2019 թ., 20:20
Տեղի կունենա «Արվեստում» մանկական մատենաշարի շնորհանդեսը

Ս.թ. սեպտեմբերի 14-ին՝ ժ. 17:00-ին, ՀԲԸՄ Հայաստան դալիճում (Մելիք-Ադամյան 2/2) տեղի կունենա
«Արվեստում» մանկական մատենաշարի շնորհանդեսը:
«Արվեստում» մատենաշարը «Դիլիմ» կազմակերպության առաջին նախագիծն է: Դիլիմն ստեղծվել է
2019-ին: Կազմակերպության նպատակն է գրքերի հրատարակության և միջոցառումների միջոցով նպաստել երեխաների մշակութային կրթությանը, վաղ հասակից հաղորդակից դարձնել արվեստի հետ և բարձրացնել մշակութային գիտակցության մակարդակը:
«Արվեստում» մատենաշարը կազմված է 4 կարտոնե գրքերից՝ Առաջին բառերն արվեստում, Կենդանիներն արվեստում, Գույներն արվեստում, Թվերն արվեստում: Գրքերի նպատակն է նախադպրոցական տարիքի երեխաներին համաշխարհային կերպարվեստի միջոցով սովորեցնել շրջապատող առարկաներն և երևույթները: Վաղ հասակից արվեստին հաղորդակից լինելն օգնում է երեխաներին զարգացնել՝ երևակայությունը, ստեղծարարությունը, գեղեցիկի ընկալումը, բանավոր և պատմողական խոսքը, գեղագիտական ճաշակը և այլն: Գրքերի ստեղծմանը, որպես խորհրդատուներ հանդես են եկել հայ և միջազգային մասնագետներ:

«Արվեստում» մատենաշարը եռալեզու է՝ հայերեն, անգլերեն, ռուսերեն և կարող է ծառայել կրտսեր դպրոցականներին՝ արվեստի միջոցով լեզուներ սովորելու համար: