Սերգեյ Մովսեսյանը՝ Իգոր Կուրնոսովի հուշամրցաշարի հաղթող

Ռուսաստանի Չելյաբինսկ քաղաքում տեղի ունեցավ գրոսմայստեր Իգոր Կուրնոսովի հուշամրցաշարը: Արագ շախմատի կանոններով կայացած մրցաշարին մասնակցում էին 15 երկրների 250 շախմատիստներ, այդ թվում՝ 37 գրոսմայստեր:

Մրցաշարում առաջին հորիզոնականը զբաղեցրեց Հայաստանը ներկայացնող գրոսմայստեր Սերգեյ Մովսեսյանը, ով 11 հնարավորից վաստակեց 9 միավոր: Նույնքան միավոր վաստակած Պավել Պոնկրատովը գրավեց 2-րդ տեղը, իսկ Վիտալի Սիվուկը, կրկին 9 միավորով, եզրափակեց լավագույն եռյակը:

Մրցաշարում մեր մյուս ներկայացուցիչ Գևորգ Հարությունյանը 8 միավորով կիսեց 5-17-րդ հորիզոնականները: