«Բոլորս խաղում ենք ազգի համար»․ Արամ Հայրապետյան

Այսօր Երևանի Վազգեն Սարգսյանի անվան «Հանրապետական» մարզադաշտում կայացած Եվրո-2020-ի ընտրական փուլի Հայաստան - Բոսնիա և Հերցեգովինա (4։2) հանդիպումից հետո մեր հավաքականի դարպասապահ Արամ Հայրապետյանն ամփոփեց թիմի խաղը։

«Նախ ուզում եմ ասել՝ երբ մարդիկ մեզ հավատում են, դա ամենակարևորն է: Ուղղակի շատ են քննադատները։ Կցանկանայի, որ միշտ հավատան մեզ: Ամենակարևորը՝ ես խաղում եմ ազգի համար, բոլորս խաղում ենք ազգի համար: Ուրիշ ոչ մի բանի դիմաց։ Ինչ վերաբերում է խաղին․ շատ դժվար է խաղալ Պյանիչի դեմ, հատկապես, Հայաստանի առաջնությունից հետո: Ազնիվ խոսք․․․ նրա հարվածները․․․ ինչ թաքցնեմ․․․ Ինչ կարող եմ՝ անում եմ։ Ինչ կարող ենք՝ անում ենք: Հուզված եմ: Շնորհավորում եմ բոլորին»: