«Անակնկալի բերեցինք մրցակցին»․ Հովհաննես Համբարձումյան

Այսօր Երևանի Վազգեն Սարգսյանի անվան «Հանրապետական» մարզադաշտում կայացած Եվրո-2020-ի ընտրական փուլի Հայաստան - Բոսնիա և Հերցեգովինա (4։2) հանդիպումից հետո մեր հավաքականի ֆուտբոլիստ Հովհաննես Համբարձումյանն ամփոփեց թիմի խաղը։

«Շնորհավորում եմ բոլորին։ Շնորհակալ եմ երկրպագուներին, բոլորին՝ մեր կողքին լինելու համար: Արեցինք ամեն ինչ, խաղում էինք հաղթանակի համար, հասանք մեր նպատակին: Այս հաղթանակը կարևոր էր պայքարի մեջ մնալու համար: Շնորհավորում եմ հայ ազգին: Բոսնիայի հավաքականը բարձր մակարդակի հավաքական է, բարձրակարգ ֆուտբոլիստներ ունի: Կարծում եմ՝ մենք այսօր անակնկալի բերեցինք նրանց մեր համարձակ խաղով ու բարձր պրեսինգով։ Կարծում եմ՝ չէին սպասում մեզանից նման խաղ»։