«Մեր հավաքականն արժանի էր հաղթանակի»․ Էրիկ Վարդանյան

Այսօր Երևանի Վազգեն Սարգսյանի անվան «Հանրապետական» մարզադաշտում կայացած Եվրո-2020-ի ընտրական փուլի Հայաստան - Բոսնիա և Հերցեգովինա (4։2) հանդիպումից հետո մեր հավաքականի կիսապաշտպան Էրիկ Վարդանյանն ամփոփեց թիմի խաղը։

«Տպավորությունները շատ լավն են։ Շատ ուրախ եմ, որ մասնակցեցի այս հաղթանակին: Բոսնիան շատ հզոր հավաքական է, բարձրակարգ ֆուտբոլիստներ ունի՝ «Ռոմա»-ից, «Յուվենթուս»-ից, «Արսենալ»-ից: Մեր հավաքականը շատ լավ խաղաց ու արժանի էր հաղթանակի»։