«Հնարավորություններ ունեինք, որոնք չօգտագործեցինք»․ Ռոբերտ Պրոսինեչկի

Երևանի Վազգեն Սարգսյանի անվան «Հանրապետական» մարզադաշտում կայացած Եվրո-2020-ի ընտրական փուլի Հայաստան - Բոսնիա և Հերցեգովինա հանդիպումից (4։2) հետո Բոսնիայի և Հերցեգովինայի ազգային հավաքականի գլխավոր մարզիչ Ռոբերտ Պրոսինեչկին ամփոփեց մեր թիմի խաղը․ «Նախ ուզում եմ շնորհավորել Հայաստանի հավաքականին՝ արժանի հաղթանակի կապակցությամբ: Մենք էլ հնարավորություններ ունեինք, որոնք չօգտագործեցինք: Իհարկե, ակնկալում էի այսպիսի խաղ։ 2։2 հաշվի ժամանակ, երբ գցեցին Ջեկոյին, 11-մետրանոց կար հավանաբար: Բայց դա արդեն այդքան էլ կարևոր չէ: Հայաստանի հավաքականն արժանի հաղթանակ տարավ: Հայաստանի հավաքականի համար այս հաղթանակից հետո էլ, միևնույնն է, բարդ կլինի, քանի որ Իտալիան ու Ֆինլանդիան բավականին առաջ են միավորներով»։