Բոսնիա և Հերցեգովինան հավասարեցրեց խաղի հաշիվը

Երևանի Վազգեն Սարգսյանի անվան «Հանրապետական» մարզադաշտում ընթանում է Եվրո-2020-ի ընտրական փուլի Հայաստան - Բոսնիա և Հերցեգովինա հանդիպումը։ Բոսնիայի և Հերցեգովինայի հավաքականը հավասարեցրեց խաղի հաշիվը։ Գոլի հեղինակ դարձավ Ամեր Գոյակը՝ 70-րդ րոպեին։ Այս պահին հաշիվը ոչ-ոքի է՝ 2։2։

Հանդիպման 3-րդ րոպեին Հենրիխ Մխիթարյանն առաջ մղեց Հայաստանի հավաքականին՝ Տիգրան Բարսեղյանի փոխանցումից հետո։ Հանդիպման 13-րդ րոպեին Բոսնիա և Հերցեգովինայի հավաքականը հավասարեցրեց խաղի հաշիվը։ Գոլի հեղինակ դարձավ Էդին Ջեկոն։

Հանդիպման 66-րդ րոպեին Հենրիխ Մխիթարյանն իր երկրորդ գոլը հեղինակեց՝ Հովհաննես Համբարձումյանի փոխանցումից հետո։