«Մեր հավաքականն Իսպանիայի կամ Բրազիլիայի հավաքականը չէ»․ Կամո Հովհաննիսյան

Սեպտեմբերի 8-ին կայանալիք Եվրո-2020-ի ընտրական փուլի Հայաստան - Բոսնիա և Հերցեգովինա հանդիպմանն ընդառաջ Հայաստանի ազգային հավաքականի պաշտպան Կամո Հովհաննիսյանը խոսեց խաղից իր ակնկալիքների մասին․ «Հաջող հանդիպումներ ունեցանք։ Նվիրվեցինք, համախմբվեցինք, կատարեցինք մեծ աշխատանք, ինչի շնորհիվ ստացվեց երկու հաղթանակ տանել: Ճիշտ է՝ պարտվեցինք Իտալիային 1:3 հաշվով, բայց թիմը շատ լավ աշխատանք կատարեց։ Վաղվա հնարավորությունները՝ 50/50։ Երկու թիմերն էլ դուրս են գալու խաղադաշտ՝ հաղթելու համար։ Մեր հավաքականն Իսպանիայի կամ Բրազիլիայի հավաքականը չէ, որ խաղադաշտ դուրս գա և հաղթի կարգի հաշվին: Մենք կարգը փոխարինում ենք հավատով։ Այս նվիրվածությունն է իր արդյունքը տալիս։ Թիմում հիմա հիանալի մթնոլորտ է: Ոչ մեկս գլուխներս չենք կախել։ Բոլորս հասկանում ենք որ դիմացը հանդիպում ունենք ու պրոֆեսիոնալ պատրաստվում ենք առաջիկա խաղին»։