Իտալիայի հավաքականը 3-րդ գոլը խփեց Հայաստանի հավաքականին

Երևանի Վազգեն Սարգսյանի անվան «Հանրապետական» մարզադաշտում ընթանում է Եվրո-2020-ի ընտրական փուլի Հայաստան - Իտալիա հանդիպումը։ Հանդիպման 80-րդ րոպեին Իտալիայի հավաքականի կազմում գոլի հեղինակ դարձավ Անդրեա Բելոտտին՝ 3-րդ գնդակն ուղարկելով Հայաստանի հավաքականի դարպասը։

Հիշեցնենք՝ հանդիպման 11-րդ րոպեին Ալեքսանդր Կարապետյանն առաջ մղեց Հայաստանի հավաքականին՝ Տիգրան Բարսեղյանի փոխանցումից հետո։ Հանդիպման 28-րդ րոպեին Իտալիայի հավաքականը հավասարեցրեց խաղի հաշիվը։ Գոլի հեղինակ դարձավ Անդրեա Բելոտտին։

Առաջին խաղակեսի վերջին՝ 45-րդ րոպեին, Ալեքսանդր Կարապետյանը հեռացվեց խաղադաշտից՝ երկու դեղին քարտ ստանալով։

Հանդիպման 77-րդ րոպեին Իտալիայի հավաքականի կազմում գոլի հեղինակ դարձավ Լորենցո Պելեգրինին՝ խփելով իր թիմի 2-րդ գոլը։