«Հայաստանի հավաքականը երկրորդ տեղի համար պայքարելու հնարավորություն ունի»․ Մանչինի

Սեպտեմբերի 5-ին կայանալիք Եվրո-2020-ի ընտրական փուլի Հայաստան-Իտալիա հանդիպմանն ընդառաջ Իտալիայի ազգային հավաքականի գլխավոր մարզիչ Ռոբերտո Մանչինին խոսեց խաղից իր ակնկալիքների մասին․ «Ի սկզբանե չենք թաքցրել, որ պայքարելու ենք խմբում առաջին տեղը զբաղեցնլու համար: Այդ առումով ոչինչ չի փոխվել: Ունենք կադրային խնդիրներ: Տեսնենք, արդյոք կկարողանանք լուծել ուղեգրի հարցը առաջիկա 2 խաղերում, թե ոչ։

Հայաստանի հավաքականի հարձակման գծի 4 առաջատար ֆուտբոլիստ ունի: Մեր խաղի մշակման մեջ այդ փաստին ուշադրություն ենք դարձնում: Կարծում եմ, որ Հայաստանի հավաքականն իր իսկական ներուժը ցուցադրեց երրորդ և չորրորդ տուրերի խաղերում: Մարզչին ժամանակ է պետք իր խաղային փիլիսոփայությունը ֆուտբոլիստներին փոխանցելու համար: Կարծում եմ, որ Հայաստանի հավաքականը երկրորդ տեղի համար պայքարելու հնարավորություն ունի»։