Հայտնի են Հայաստան-Իտալիա հանդիպման մրցավարները

Եվրո-2020-ի ընտրական J խմբի 5-րդ տուրի՝ Երևանի «Հանրապետական» մարզադաշտում կայանալիք Հայաստան-Իտալիա խաղը կսպասարկի Գերմանիայի մրցավարական անձնակազմը՝ Դանիել Զիբերտի գլխավորությամբ։ Մրցավարի օգնականներն են Յան Զայդելը և Մարկուս Հեքերը։ 4-րդ պաշտոնյան Սաշա Շտեգեմանն է։ ՈւԵՖԱ-ի պատվիրակ է նշանակվել Դուշկո Գրաբովացը (Խորվաթիա), մրցավարների տեսուչ՝ Կիրոս Վասարասը (Հունաստան)։

Հիշեցնենք՝ Հայաստան-Իտալիա խաղը Վազգեն Սարգսյանի անվան «Հանրապետական» մարզադաշտում կկայանա սեպտեմբերի 5-ին, սկիզբը՝ ժամը 20։00-ին։