«Դյուդելանժ» - «Արարատ-Արմենիա» հանդիպումը տեղափոխվեց լրացուցիչ ժամանակ

Լյուքսեմբուրգի «Ժոզի Բարտել» մարզադաշտում ընթանում է Եվրոպայի լիգայի փլեյ-օֆֆ փուլի պատասխան հանդիպումը՝ Երևանի «Արարատ-Արմենիա»-ի և Լյուքսեմբուրգի «Դյուդելանժ» ակումբների միջև։ Խաղի հիմնական ժամանակն ավարտվեց «Դյուդելանժ»-ի հաղթանակով՝ 2։1 հաշվով, և հանդիպումը տեղափոխվեց լրացուցիչ ժամանակ, քանի որ Երևանում կայացած հանդիպումն ավարտվել էր միևնույն հաշվով։

Հանդիպման 24-րդ րոպեին «Արարատ-Արմենիա»-ն բացեց խաղի հաշիվը։ Գոլի հեղինակ դարձավ Մայսոն Լիման: Հանդիպման 48-րդ րոպեին «Դյուդելանժ»-ը հավասարեցրեց խաղի հաշիվը՝ 11-մետրանոց հարվածով։ Հանդիպման 71-րդ րոպեին մրցակիցն առաջ անցավ հաշվի մեջ։