Ռուզաննա Պետրոսյանը նշանակում է ստացել Եվրոպայում

Եվրոպայի կանանց 2021 թվականի առաջնության որակավորման փուլի Ալբանիա-Ֆինլանդիա ֆուտբոլային հանդիպումը կսպասարկի Հայաստանի մրցավարական անձնակազմը։

Խաղի մրցավար Ռուզաննա Պետրոսյանին եզրերում կօգնեն Հասմիկ Ղարիբյանը և Քրիստինե Գրիգորյանը։ 4-րդ պաշտոնյան Արաքսյա Սարիբեկյանն է։

«Էլբասան» մարզադաշտում Ալբանիայի կանանց հավաքականը Ֆինլանդիային կընդունի սեպտեմբերի 2-ին։