Անուշ Գրիգորյանը պարտվել է Եվրոպայի առաջնության մեկնարկում

Մադրիդում ընթացող կանանց բռնցքամարտի Եվրոպայի առաջնությունում Անուշ Գրիգորյանը պարտվել է առաջին մենամարտում: Եվրոպայի մինչև 22 տարեկանների առաջնության չեմպիոնը պայքարն սկսել է 1/8 եզրափակչից, որտեղ պարտվել է սերբ մրցակցի և լքել պայքարը:

Հայաստանի ներկայացուցիչներից պայքարը շարունակում է Եվրոպայի մինչև 22 տարեկանների փոխչեմպիոն Անի Հովսեփյանը: 64 կգ քաշային կարգում նա օգոստոսի 28-ին կպայքարի կիսաեզրափակիչ դուրս գալու համար: