Երևան`   +21 °C
Այսօր`   Ուրբաթ, 20 սեպտեմբերի, 2019 թ.

ՖԻԴԵ-ն Մարիա Գևորգյանի վերաբերյալ հայտարարություն է տարածել

149
Կիրակի, 25 օգոստոսի, 2019 թ., 17:00
ՖԻԴԵ-ն Մարիա Գևորգյանի վերաբերյալ հայտարարություն է տարածել

Շախմատի միջազգային ֆեդերացիան՝ ՖԻԴԵ-ն, հայտարարություն է տարածել Մարիա Գևորգյանի Հայաստանի շախմատի կանանց հավաքականի անդամ, միջազգային կարգի վարպետ, Հայաստանի եռակի չեմպիոն Մարիա Գևորգյանի վերաբերյալ։ Նշվում է, որ ՖԻԴԵ-ն սկսել է գործի քննությունը և կպատժի իրավիճակի բոլոր մեղավորներին։

Հիշեցնենք՝ օգոստոսի 19-ին ներկայիս Թուրքիայի Սըվազ (պատմական Սեբաստիա) քաղաքում մեկնարկել է «Sivas Buruciye International Open Chess Tournament-A»-ը, որին մասնակցության հրավեր էր ստացել նաև Մարիա Գևորգյանը: Մեր մարզուհուն, սակայն, բոլոր պայմանավորվածությունների ձեռքբերումից հետո՝ վերջին պահին, մրցաշարի կազմակերպիչներից Մուսթաֆա Էրօղլուն տեղեկացրել է, որ ադրբեջանցի մարզիկներն իրենց վերջնագիր են ներկայացրել՝ հրաժարվելով մասնակցությունից։ Ըստ Էրօղլուի՝ ադրբեջանցի շախմատիստներն այդ քայլին գնացել են, քանի որ հայ մարզուհին պետք է մասնակցեր մրցաշարին։ Արդյունքում հայ շախմատիստուհին այլևս հնարավորություն չի ունեցել մասնակցելու միջազգային մրցաշարին, քանի որ ճանապարհածախսն ու կեցության գումարը պիտի հոգար հրավիրող կողմը, որն էլ, փաստացի, հրաժարվել է:

ՖԻԴԵ-ի հայտարարությունը
ՖԻԴԵ-ի հայտարարությունը