«Լոռի»-ն վրացի նորեկ ունի

«Լոռի» ֆուտբոլային ակումբը 1 տարվա պայմանագիր է ստորագրել վրացի երիտասարդ կիսապաշտպան Լևան Մատչարաշվիլիի հետ։ 22-ամյա ֆուտբոլիստի վերջին ակումբը եղել է Լիտվայի Բարձրագույն լիգան ներկայացնող «Ստումբրաս»-ը, որի կազմում մասնակցել է Լիտվայի առաջնության 13 հանդիպման ու դարձել 3 գոլի հեղինակ:

Թիմի կազմում նա մասնակցել է նաև Եվրոպայի լիգայի որակավորման փուլի երկու խաղի ու մեկ գոլ հեղինակել։

Մատչարաշվիլին «Լոռի»-ում հանդես կգա 14 համարի մարզաշապիկով։