Հայտնի են Համահայկական խաղերի բասկետբոլի մրցաշարի հաղթողներն ու մրցանակակիրները

Համահայկական 7-րդ ամառային խաղերի շրջանակներում կայացան բասկետբոլի կանանց և տղամարդկանց մրցաշարերի եզրափակիչները։

Տղամարդկանց պայքարի եզրափակչում «Գլենդել»-ը 92։84 հաշվով լարված պայքարում առավելության հասավ «Բևերլի Հիլզ»-ի նկատմամբ։ Հանդիպման ամենաարդյունավետ խաղացող ճանաչվեց Անդրե Սփայթ Մկրտչյանը («Գլենդել»), ով վաստակեց 40 միավոր։ Երրորդ տեղը զբաղեցրեց Թեհրանի թիմը։

Կանանց պայքարի եզրափակիչ խաղում «Գլենդել»-ը 72։57 հաշվով հաղթեց «Թեհրան»-ին։ Երրորդ տեղը գրավեց «Սպահան»-ը :