«Լոռի»-ն հայտարարություն է տարածել

«Լոռի» ֆուտբոլային ակումբը հայտարարություն է տարածել․ «Սիրելի երկրպագուներ, վերջին շրջանում ձեր կողմից շատ են հարցերը Վանաձորի քաղաքային ստադիոնի վերակառուցման աշխատանքների վերաբերյալ։ «Լոռի» ՖԱ-ն, շարունակելով կարևորել անմիջական կապը երկրպագուների հետ, լավ լուրեր ունի։

Հայաստանի ֆուտբոլի ֆեդերացիան կարողացել է վերջնականապես լուծել թղթաբանական խնդիրները՝ վերակառուցման հետ կապված, և ինտենսիվ աշխատանքները կմեկնարկեն արդեն հաջորդ շաբաթ։

Մենք, ինչպես մեր երկրպագուները, անհամբեր սպասում ենք բոլորիս հարազատ ստադիոնում՝ «Լոռի» ՖԱ-ի նորամուտը նշելուն»։