Երևան`   +4 °C
Այսօր`   Երկուշաբթի, 16 դեկտեմբերի, 2019 թ.

Մի շարք ակումբներ տուգանվել են, գրանցվել են տեխնիկական պարտություններ

165
Երկուշաբթի, 12 օգոստոսի, 2019 թ., 14:50
Մի շարք ակումբներ տուգանվել են, գրանցվել են տեխնիկական պարտություններ

Օգոստոսի 9-ին տեղի ունեցավ Հայաստանի ֆուտբոլի ֆեդերացիայի կարգապահական կոմիտեի հերթական նիստը՝ ՀՖՖ Կարգապահական կոմիտեի նախագահ Ռուբեն Սինոյանի նախագահությամբ:

Օգոստոսի 2-ին «Շիրակ»-«Ուրարտու» խաղին «Ուրարտու» թիմի ֆուտբոլիստ Արտակ Դաշյանը, մրցակցին հայհոյելու համար հեռացման համար, որակազրկվել է 2 խաղով, ՖԱ «Ուրարտու» ՄՀԿ ակումբը տուգանվել 250000 ՀՀ դրամով։

Օգոստոսի 6-ին «Մասիս»-«Դիլիջան ՖԱ» խաղը չի կայացել՝ թիմերի անպատրաստ լինելու պատճառով։ «Մասիս» թիմին՝ որպես դաշտի տեր, խաղի կազմակերպման պարտականությունները չկատարելու, հայտավորված
պաշտոնյաների և ֆուտբոլիստների կազմ չունենալու համար, գրանցվել է տեխնիկական պարտություն՝ 0։3 հաշվով։ «Մասիս» ՖԱ ակումբը տուգանվել է 50000 ՀՀ դրամով։ «Դիլիջան ՖԱ» թիմին, հայտավորված
պաշտոնյաների և ֆուտբոլիստների կազմ չունենալու համար, գրանցվել է տեխնիկական պարտություն՝ 0։3 հաշվով։ Ակումբը նաև տուգանվել 25000 ՀՀ դրամով։

«ՖԱ Աչաջուր ՀԿ»-ի «Մակարավանք» թիմի ՀՀ ֆուտբոլի 2019-2020 առաջին խմբի առաջնությանը հետագա մասնակցությունը դադարեցնելու համար «Մակարավանք» թիմը հանվել է Առաջին խմբի և Գավաթի խաղարկության
մրցումներից, «ՖԱ Աչաջուր ՀԿ»-ը տուգանվել է 500000 ՀՀ դրամով։

«ՖԱ Երևան»-ի «Երևան-2» թիմի ՀՀ ֆուտբոլի 2019-2020 առաջին խմբի առաջնության հետագա մասնակցությունը դադարեցնելու համար «Երևան-2» թիմը հանվել է Առաջին խմբի առաջնությունից, «ՖԱ Երևան»-ը տուգանվել է 200000 ՀՀ դրամ։

«Գանձասար-կապան ՖԱ»-ի «Գանձասար-Կապան-2» թիմի ՀՀ ֆուտբոլի 2019-2020 առաջին խմբի առաջնության հետագա մասնակցությունից դադարեցնելու համար «Գանձասար-Կապան-2» թիմը հանվել է Առաջին խմբի առաջնությունից, «Գանձասար-Կապան ՖԱ»-ն տուգանվել է 200000 ՀՀ դրամով։