«Ալաշկերտ»-ի կանանց թիմը պարտվեց «Տվենտե»-ին

Օգոստոսի 7-ին հոլանդական Էնսխեդե քաղաքում մեկնարկեց կանանց Չեմպիոնների Լիգայի որակավորման փուլի 9-րդ խմբի մրցաշարը: Առաջին խաղում Երևանի «Ալաշկերտ»-ը հանդիպեց «Տվենտե»-ի հետ և զիջեց 0:8 հաշվով: Գոլերի հեղինակներ դարձան Դավինիա Վանմեխելենը (20, 90), Ֆենա Կալման (31, 47), Էշլի Վերդենը (59) և Սաբրին Էլուզին (39): 32-րդ և 45+3-րդ րոպեներին սեփական դարպասը գրավեցին համապատասխանաբար Արմինե Մեսրոպյանը և Մարիա Սախինովան:

Նշենք, որ Հայաստանի ներկայացուցիչը վերջին անգամ մասնակցել է այս հեղինակավոր մրցաշարին 2001-2002թթ. մրցաշրջանում: «Տվենտե»-ն Հոլանդիայի առաջատար թիմերից մեկն է, երկրի կրկնակի չեմպիոնը, իսկ Հոլանդիայի կանանց հավաքականը՝ 2019թ. Աշխարհի փոխչեմպիոնն է և Եվրոպայի գործող չեմպիոնը: