«Լոռի»-ն իսպանացի ֆուտբոլիստ է ձեռք բերել

«Լոռի» ֆուտբոլային ակումբը ձեռք է բերել իսպանացի ենթահարձակվող Չաբիեր Աուզմենդիին։ Ֆուտբոլիստի հետ կնքվել է երկու տարվա պայմանագիր։

22-ամյա ֆուտբոլիստը «Ռեալ Սոսյեդադ»-ի սան է, հանդես է եկել ակումբի Մ19 և երրորդ թիմերում, ինչպես նաև տեղի «Բեասային» և «Կալահորրա» ակումբներում։

Իսպանիայի Segunda B դիվիզիոնում մասնակցել է 23 հանդիպման։ Աուզմենդին երկու հանդիպում էլ անցկացրել է Իսպանիայի գավաթի խաղարկության շրջանակներում։