Լյովա Գևորգյանը՝ աշխարհի պատանեկան առաջնության բրոնզե մեդալակիր

Բուլղարիայի մայրաքաղաք Սոֆիայում շարունակվում է ըմբշամարտի աշխարհի պատանեկան առաջնությունը, որին մասնակցում է նաև Հայաստանի հավաքականը։

92 կգ քաշայինների պայքարում մեր ներկայացուցիչ Լյովա Գևորգյանը նվաճեց բրոնզե մեդալ։ Նա, 2 հաղթանակ տոնելուց հետո, կիսաեզրափակչում 3։6 հաշվով զիջեց իրանցի Սոհեյլ Սինգանիին։ Բրոնզե մեդալի համար պայքարում Լյովան 7։4 հաշվով հաղթեց Հնդկաստանի ներկայացուցիչ Մոնու Դահիյային։