Մահացել է 5 տարեկանում ծննդաբերած կինը՝ գաղտնիքն իր հետ գերեզման տանելով

82 տարեկանում մահացել է աշխարհի ամենաերիտասարդ մայրիկը: Պերուացի Լինա Մեդինան ծննդաբերել էր, երբ ընդամենը 5 տարեկան է եղել: Սա անբացատրելի դեպք է բժշկության ողջ պատմության մեջ:
Աղջնակի մոտ մենստրուացիան սկսվել է, երբ նա ընդամենն 8 ամսական է եղել: Կաթնագեղձերն սկսել են զարգանալ 4 տարեկանից: 5 տարեկանում նրա օրգանզմն արդեն լիովին պատրաստ է եղել մայրանալուն: 1939 թվականի մայիսի 14-ին կեսարյան հատման միջոցով նա լույս աշխարհ է բերել 2,7 կգ քաշով տղա երեխայի, ում մանկաբարձի պատվին Ժերարդո են անվանել:

10 տարի երեխան իմացել է, թե Լինայի եղբայրն է, հետո գաղտնիքը բացահայտվել է:

Աղջկա հղիության մասին ծնողները շատ ուշ են գլխի ընկել, իսկ հիվանդանոց տարել են որովայնի ցավերի համար:

Հայտնի է, որ Ժերարդոն մահացել է 40 տարեկանում, նրա մահը կապ չի ունեցել մոր վաղաժամ ծննդաբերության հետ: Նա մահացել է քաղցկեղից:

Նրա մահից մի քանի տարի առաջ Լինան ամուսնացել է և ևս մեկ տղա ունեցել, հետո տատիկ է դարձել:

Կինը մահացել է՝ այդպես էլ չբացահայտելով իր ողջ կյանքի գաղտիքը՝ ով էր իր երեխայի հայրը:

Նշենք, որ ժամանակին Լինայի հորը բռնաբարության մեղադրանքով ձերբակալել, ապա ապացույցների բացակայության հիմքով ազատ են արձակել: