Երևան`   +27 °C
Այսօր`   Չորեքշաբթի, 17 հուլիսի, 2019 թ.

Հայտնի է Խորեն Վերանյանի նոր ակումբը

107
Ուրբաթ, 12 հուլիսի, 2019 թ., 14:15
Հայտնի է Խորեն Վերանյանի նոր ակումբը

Երևանի «Տորպեդո»-ն պայմանագիր է ստորագրել փորձառու կիսապաշտպան Խորեն Վերանյանի հետ։ 32-ամյա ֆուտբոլիստը հանդես է եկել հայկական առաջատար մի շարք ակումբներում՝ պաշտպանելով «Փյունիկ»-ի, «Միկա»-ի, «Իմպուլս»-ի, «Գանձասար»-ի, «Արարատ»-ի, «Ալաշկերտ»-ի գույները։ Նախորդ մրցաշրջանում նա հանդես էր գալիս Գյումրիի «Շիրակ»-ի կազմում։

Ժամանակին Խորեն Վերանյանը խաղացել է Հայաստանի երիտասարդական հավաքականի կազմում, իսկ այս ամառ ներկայացրել է Արցախի հավաքականը՝ չճանաչված երկրների Եվրոպայի առաջնությունում։

Վերանյանը «Տորպեդո»-ի կազմում մասնակցել էր «Արագած»-ի հետ ստուգողական հանդիպմանը և 11-մետրանոց հարվածով խփել թիմի 3 գոլերից մեկը։