Երևան`   +32 °C
Այսօր`   Հինգշաբթի, 18 հուլիսի, 2019 թ.

«Նպատակս աշխարհի ամենաուժեղ մարտիկ դառնալն է»․ Ալբերտ Ամիրջանյան

115
Չորեքշաբթի, 10 հուլիսի, 2019 թ., 23:50
«Նպատակս աշխարհի ամենաուժեղ մարտիկ դառնալն է»․ Ալբերտ Ամիրջանյան

Հայ մուայթայ բռնցքամարտիկ Ալբերտ Ամիրջանյանն օրերս նվաճել է «ISKA Interkontinental» գոտին։ MAMUL.am-ի թղթակցի հետ զրույցում նա պատմել է մենամարտի և մարզաձևն ընտրելու որոշման մասին։

«Մենամարտեցի ISKA գոտու համար և, ճիշտ է, հաղթեցի, բայց սովորականի պես հանդես չեկա՝ մի շարք պատճառներով՝ կապված առողջությանս և պատրաստությանս հետ։ Սովորաբար դիտարժան մենամարտեր եմ անցկացնում և վստահ հաղթանակ տոնում, բայց այս անգամ մեծ առավելությամբ չհաղթեցի։ Մենամարտից 3 շաբաթ առաջ բորբոքում ունեի և չէի կարող լիարժեք նախապատրաստվել մենամարտիս։ Դժգոհ եմ անցկացրածս մենամարտի որակից, ու ինձ հիմա չեմպիոն չեմ համարում։ Երբ կպաշտպանեմ գոտիս, ինձնից գոհ կլինեմ և շատ ուրախ։ Հիմա գլխումս միայն մեկ միտք կա. վերականգնվել և հնարավորինս շուտ ռինգ վերադառնալ՝ լավագույնս դրսևորելով ինձ»։

Ալբերտ Ամիրջանյան
Ալբերտ Ամիրջանյան
Խոսելով մարզաձևի ընտրության մասին՝ Ալբերտը նշեց․ «Մուայթայով սկսել եմ զբաղվել 18 տարեկանում՝ ընկերոջս հորդորով։ Նա պատմեց այս մարզաձևի մասին, որոշեցի փորձել և ինձ շատ դուր եկավ այն։ Ինձ հատկապես գերեց մարզաձևի կոշտությունը, դիտարժանությունը, այն, որ կարելի է հարվածել և՛ ձեռքերով, և՛ ոտքերով, և՛ ծնկներով․ դա ինձ շատ դուր եկավ։ Ապագայիս նպատակն աշխարհի ամենաուժեղ մարտիկ դառնալն է և այլ երկրներում երկրիս դրոշը բարձրացնելը։ Հենց դա էլ ինձ ստիպում է ամեն օր գնալ մարզադահլիճ և դառնալ լավագույնը։ Թեև ծնվել եմ Մոսկվայում, ցանկանում եմ մենամարտել Հայաստանի դրոշի ներքո, որովհետև ես հայ եմ և ցանկանում եմ բարձրացնել ազգիս դրոշը»։

Անդրադառնալով առաջիկա ծրագրերին՝ Ալբերտը նշեց․ «Հաջորդ մենամարտս կանցկացնեմ սեպտեմբերին՝ Եվրոպայում (քաղաքը դեռ որոշված չէ), իսկ 6 ամսից կփորձեմ պաշտպանել գոտիս։ Մինչ այդ ուսումնամարզական հավաք կանցկացնեմ Թաիլանդում»։