Ունիվերսիադա-2019. Էլմիրա Կարապետյան - Զավեն Իգիթյան զույգը չորակավորվեց եզրափակչին

Իտալիայի Նեապոլ քաղաքում շարունակվում են 30-րդ ամառային ուսանողական խաղերը՝ Ունիվերսիադան։ Այսօր օդամղիչ ատրճանակի 10 մ մրցաձևում Հայաստանը ներկայացնող Էլմիրա Կարապետյան - Զավեն Իգիթյան զույգը որակավորման առաջին փուլում 18 երկրի զույգերի պայքարում 565 միավոր արդյունքով 7-րդ տեղով դուրս եկան հաջորդ փուլ, որտեղ վաստակեց 555 միավոր և զբաղեցրեց 8-րդ տեղը։ Լավագույն քառյակը պայքարը շարունակեց մեդալների համար։ Մեր զույգը դուրս մնաց հետագա պայքարից։