«Grand Chess Tour»-ի Զագրեբի փուլ․ Արոնյանը կիսում է 3-րդ հորիզոնականը

Խորվաթիայի մայրաքաղաք Զագրեբում շարունակվում է «Grand Chess Tour»-ի երկրորդ փուլը, որին Հայաստանը ներկայացնում է մեր հավաքականի առաջատար Լևոն Արոնյանը:

Մրցաշարի ութերորդ տուրում Արոնյանը սպիտակներով ոչ-ոքի խաղաց Ռուսաստանի ներկայացուցիչ Յան Նեպոմնյաշչիի հետ։

Կայացած ութ տուրից հետո Արոնյանը վաստակել է 4,5 միավոր և կիսում է 3-րդ հորիզոնականը։ Մրցաշարային աղյուսակի առաջատարն աշխարհի չեմպիոն Մագնուս Կարլսենն է՝ 6 միավոր, երկրորդ հորիզոնականում է ԱՄՆ-ն ներկայացնող Ուեսլի Սոն՝ վաստակած 5,5 միավորով։