Հայտնի են վոլեյբոլի Հայաստանի չեմպիոններն ու չեմպիոնուհիները

Երևանում ավարտվեց լողափնյա վոլեյբոլի Հայաստանի տղամարդկանց և կանանց առաջնությունները, որոնց մասնակցեցին 11 կանանց և 10 տղամարդկանց զույգեր: Առաջնությանը նաև մասնակցեցին Թբիլիսի քաղաքը ներկայացնող մեկ զույգ: Կանանց մոտ հիմնական պայքարը ծավալվեց ԽՄՕՄՄ, ՎԲԵԹ և «Վան» թիմերի միջև։ Կանանց պայքարում եզրափակչում ԽՄՕՄՄ (Վերոնիկա Կոշկարյան/Էդիտա Ղևոնդյան)-ն 2։0 հաշվով հաղթեց ՎԲԵԹ (Կիրակոսյան Տաթևիկ/Տիգրանյան Շուշանիկ)-ին և հռչակվեց չեմպիոն։ 3-4 տեղերի համար պայքարեցին «Վան-1» և «Վան-2» թիմերը, որտեղ ավելի ուժեղ գտնվեցին «Վան-2» թիմը ներկայացնող Նվեր Քասիս և Մայա Եսայան զույգը՝ հաղթելով 2:1 հաշվով:

Տղամարդկանց պայքարում չեմպիոն հռչակվեց «Արաբկիր» (Ռազմիկ Հակոբյան/Արման Միսկարյան) թիմը՝ եզրափակչում 2։1 հաշվով հաղթելով ԲԿՄԱ-2 (Խաչատուր Ասմարյան/Սամվել Ղասաբօղլյան) թիմին։ Երրորդ տեղի համար պայքարում ՀԱՊՀ-ն 2:0 հաշվով հաղթեց ԲԿՄԱ-1-ին: