Հարությունյանը և Գրիգորյանն ապահովել են առնվազն բրոնզե մեդալներ

Ուկրաինայի Խարկով քաղաքում ընթացող բռնցքամարտի երիտասարդական միջազգային մրցաշարում Հայաստանի ներկայացուցիչներ 64 կգ քաշային Արարատ Հարությունյանն ու 69 կգ քաշային Արսեն Գրիգորյանը դուրս են եկել կիսաեզրափակիչ՝ ապահովելով առնվազն բրոնզե մեդալ։ Խարկովում պայքարը շարունակում են նաև 49 կգ քաշային Ռուդոլֆ Գարբոյանն ու 69 կգ քաշային Արմեն Մանուկյանը: