Բռնցքամարտի Հայաստանի հավաքականը 2-րդն է թիմային հաշվարկում

Մինսկում կայացած Եվրոպական խաղերի ծրագրում ընդգրկված բռնցքամարտը նաև Եվրոպայի առաջնություն է համարվում, այնպես որ՝ հաշվարկվում է նաև թիմային արդյունք։

Եվրոպական խաղերում Հայաստանի հավաքականը 2 ոսկե և 2 բրոնզե մեդալով թիմային պայքարում գրավեց 2-րդ տեղը՝ հետ թողնելով միայն Ռուսաստանի և Մեծ Բրիտանիայի հավաքականներին:

Հիշեցնենք՝ ոսկե մեդալներ են նվաճել 49 կգ քաշային Արթուր Հովհաննիսյանը և 64 կգ քաշային կարգում Հովհաննես Բաչկովը, բրոնզե մեդալներ են նվաճել 60 կգ քաշային Կարեն Տոնականյանը և 81 կգ քաշային Գոռ Ներսեսյանը։