«Լոռի»-ն նոր ֆուտբոլիստներ է ձեռք բերել

«Լոռի» ֆուտբոլային ակումբը ևս երեք նորեկ ունի։

Թիմի կազմն է համալրել իսպանացի կիսապաշտպան Ալեխանդրո Պուերտասը։ 20-ամյա ֆուտբոլիստը «Լևանտե»-ի սան է, հանդես է եկել «Լևանտե»-ի Մ19 թիմում, ինչպես նաև «Ֆորմենտերա»-ում, «Կորդոբա Բ»-ում: Պուերտասի հետ կնքվել է երկու տարվա պայմանագիր:

Բացի այդ, լոռեցի ֆուտբոլիստ Արթուր Ավագյանը կխաղա ծննդավայրում: 31-ամյա ձախ եզրային պաշտպանը «Լոռի» է տեղափոխվել «Բանանց»-ից, որտեղ հանդես էր գալիս 2016 թվականից: Նախկինում հանդես է եկել «Գանձասար»-ում, «Արարատ»-ում, «Ալաշկերտ»-ում, «Կիլիկիա»-ում: Ավագյանը ազգային հավաքականի կազմում մասնակցել է 1 հանդիպման: Ֆուտբոլիստի հետ համաձայնագիրը կնքվել է 1+1 ֆորմատով:

Ակումբի կազմը համալրել է նաև լեհ դարպասապահ Դաննի Էլ Հագեն: 24-ամյա ֆուտբոլիստը Վանաձոր է տեղափոխվել «Հերնոսանդ» ֆուտբոլային ակումբից: Հանդես է եկել նաև լիբանանյան «Էլ-Ահլի», «Էլ-Ահեդ» ֆուտբոլային ակումբներում: Ակումբը դարպասապահի հետ կնքել է 1 տարվա պայմանագիր: